Vantar þig gistingu?
Hægt er að finna okkur á helstu ferðaþjónustuvefum en með því að smella á hnappinn hér fyrir neðan býðst að panta beint inn á okkar eigin bókunarkerfi. Víðast er svo hægt að afpanta með litlum eða engum tilkostnaði þar til örfáum dögum fyrir komu. Nánar í skilmálum hjá hverjum söluaðila fyrir sig.
Örfá orð um húsið
Íbúðarhúsið á Hjalla er hlaðið steinhús, byggt 1976. Árið 2015 réðumst við í gagngerar endurbætur á húsinu í þeim tilgangi að nýta það í ferðaþjónustu. Í húsinu eru 4 svefnherbergi, öll með handlaug. Tvö herbergjanna eru með litlu hjónarúmmi, eitt herbergið er með 2 einstaklingsrúmum og fjórða herbergið er þriggja manna. Baðherbergið er hólfað niður í tvö klósettrými og eitt sturturými. Stofan gegnir hlutverki morgunverðarsals og árið 2025 byggðum við nýjan glerskálainngang sem að jafnaði gengur undir nafninu Norðurljósastofan hjá okkur. Nýlegt lítið einbýlishús og heimili okkar er alveg aðskilið frá gistiheimilinu en á sama tíma samtengt því í gegnum þvottahúsálmu gamla íbúðarhússins.
herbergistegundir
Hjónaherbergi (2 slík í húsinu)
Rúmið er 140 cm breitt og herbergið eingöngu um 9 fermetrar svo plássið er takmarkað. Það er samt lítið felliborð, stóll, náttborð og lampi í herberginu. Svo auðvitað nóg af innstungum.
Tveggja manna herbergi
Tvö 90 cm breið einstaklingsrúm sem við getum vel fest saman sé þess óskað en þetta 10 fermetra herbergi er mun rúmbetra svona. Felliborð, stólar, náttborð og lampi er líka á sínum stað.
Þriggja manna herbergi
Eitt af einstaklingsrúmunum í herberginu er eingöngu 80 cm breitt. Sé þess óskað setjum við saman hjónarúm eða fjölskyldurúm. Svo eigum við líka ungbarnarúm sem kemst inn öll herbergin.